سید رفعت، ننګرهار- د ګڼو انټرنیټی سرچینو په حواله پر غزه باندی د اسراییلو لومړنۍ ځمکنی برید پر شا وتمبول شو چه په پایله کې یې یو شمیر وحشی صهیونستان مړه او یو زیات شمیر ټپیان شوی. تایید شوی خبرونه په ډاګه کوی چه په نوموړی برید کې ۵ صهیونسټ سرتیری د حماس د مجاهدینو لخوا وژل شوی.

اتل ستانکزی، لوګر- شمالی کوریا ګواښ کړۍ که چیرې جنوبی کوریا خپل لویدیځ پلوه سیاست ته بدلون ورنکړی نو ورانه به یې کړی. د فرانس پریس خبری اژانس په حواله، د شمالی کوریا د پوځ ویاند تیره ورځ د یوې بیاینې په ترڅ کې اعلان وکړ چه د پیونګ یانګ وار له مخکې برید به یواځې د اور او ګولیو پورې محدود نه وی بلکه دا برید به ټوله جنوبی کوریا له خاورو سره خاورې کړی.

اتل ستانکزۍ، لوګر- د سعودی عربستان څخه خپریدونکې الوطن ورځپاڼې تیره ورځ خبر ورکړ چه په سعودی کې یوه کودتا ناکامه شوه. د العالم عربی ټلویزونی چینل هم دا خبر تایید کړ او لا یې روښانه کړه چه احمد معیاض الزهرانی د سعودی د شاهی ملی ګارد یو لوړ رتبه صاحب منصب وکولای شول د یوشمیر نورو لوړرتبه افسرانو ملاتړ تر لاسه کړی او د شاهی کورنۍ د یوه شهزاده په ګټه د کودتا پلان او طرحه جوړه کړې وه.